Акимат » Семей қаласындағы жастар саясаты 2019 жылдың 1 қаңтарына

Семей қаласындағы жастар саясаты 2019 жылдың 1 қаңтарына

Статистикалық мәліметтерге сәйкес, жастардың жалпы саны 88192 адамды немесе қала тұрғындарының жалпы санының 26,7% құрайды. Қалада 4 жоғары оқу орыны мен 30 колледж жұмыс жасайды. 
2018 жылы Жастар ресурстық орталығына 63 адамның өтініші келіп түсті, оның 55 оң шешімін тапты. Қала әкімдігі жанында жастар істері жөніндегі кеңес жұмыс жасайды. Кеңестің құрамына мемлекеттік мекемелер басшылары, колледж директорлары мен жастар ұйымдарының  жетекшілері бар. Кеңес отырысы бекітілген жоспарға сәйкес тоқсан сайын өткізіледі және онда мемлекеттік жастар саясатын жүзеге асырудағы маңызды мәселелер қаралады. 
Мемлекеттік жастар саясатын іске асыру мақсатында жергілікті бюджет есебінен 13 шараны өткізуге 5 млн. 377 мың теңге қаржы бөлінді. Әлеуметтік қызметтерді жүзеге асыру үшін 5 млн. 700 мың теңге қаражат қарастырылды. 
Жастар арасындағы құқықбұзушылықтың алдын-алу мақсатында жастар ресурстық орталығы жергілікті полиция қызметімен бірлесе отырып келесідей рейдтік шараларды ұйымдастырды: «Жасөспірім», «Жасөспірім-Заң-Қауіпсіздік», «Мен және менің полицейім», «Тыныш қала».
Жастар корпусын дамыту бағдарламасында Семей қаласынан 67 жоба қатысып, оның ішінде 20 жоба грантқа ие болды. «Жасыл ел» еңбек жасақтарының құрамында 127 жас маусымдық жұмыс жасады. «Дипломмен ауылға» бағдарламасы бойынша 4 жас мұғалім жұмысқа қабылданды. 
Мемлекеттік жастар саясаты саласында 178 іс-шара өткізіліп, 65 мыңға жуық адам қамтылды. 
2018 жылы қала әкімінің сайтында 39, әлеуметтік желілерде 508 және басқа да әртірлі БАҚ-да 57 мақала жарияланды. SEMEI  телеарнасында 27 сюжет, 6 тікелей, ТВК-6 арнасында 11 сюжет пен 2 тікелей эфир жарық көрді. 
 
 
 
 
Ішкі саясат бөлімі
 

 
 
 
 
 
 
 
 
 
 
 
 
 
 
 
 
 
Өңдеу күні: 21-01-2019