Акимат » 2019 жылы мәдениет саласында атқарылған жұмыс туралы ақпарат

2019 жылы мәдениет саласында атқарылған жұмыс туралы ақпарат

 
 
2019 жылдың басынан бері қалада 2970 мәдени-көпшілік шара өткізіліп, 816852 астам адам қамтылды. Ағымдағы жылы Елбасының Стратегиялық бағдарламалары, Қазақстан Президенті Қ.К. Тоқаевтің 2019 жылғы 2 қыркүйектегі «Сыңдарлы қоғамдық диалог – Қазақстанның тұрақтылығы мен өркендеуінің негізі» Қазақстан халқына жолдауы аясында жұмыстар жүргізілді. 
Осыған орай жыл басынан бері мемлекеттік және кәсіби мерекелермен қатар, мерейтойлық шаралар кең көлемде аталып өтті. Соның ішінде, «Нұр Отан» партиясының 20 жылдығы, Ауған жерінен Кеңес әскерлерінің шығарылуының 30 жылдығы, Халық артистері Әмина Өмірзақованың 100 жылдығы,  Бибігүл Төлегенованың 90 жылдығы, белгілі абайтанушы, жазушы Төкен Ибрагимовтың 80 жылдығы, әнші, композитор Жәнібек Кәрменовтің және  журналист, жазушы Дәулет Сейсенұлының 70 жылдығы, «Қайнар» халық театрының 50 жылдығы,  елімізге танымал әншілер Ерлан Рысқали және Гүлмира Саринаның шығармашылық кештері өткізілді.
2019 жылдың 4 тоқсанында Қазақстан Республикасының Тәуелсіздігі күні, Тұңғыш Президент күні, рухани келісім, және қарттар күні кең көлемде аталып өтті. Сонымен қатар, Бейімбет Майлин, Сәкен Сейфулин және Ілияс Жансүгіровтің 125 жылдығына, «Дариға-ай» жастар театрының 20 жылдығына арналған кешенді шаралар жоспарланып, өткізілді. Сондай-ақ «Алтын күз» фестивалі, «Octoberfest» неміс халқының егін және еңбек мерекесі, орыс өнерінің «Ертіс әуендері» халықаралық фестивалі, Жаңа жылдық шыршаның салтанатты жағылу рәсімі  өтті.
Еліміздің Түңғыш Президенті күніне орай «Елін сүйген-елі сүйген Елбасы» атты ұлттық-мәдени орталықтарындағы шығармашылық ұжымдарының фестивалі, «Менің елім – менің Елбасым» атты патриоттық кеш,  «Тәуелсіз мемлекеттің негізін қалаушы»  атты портрет кеші және «Егемен елдің кемеңгер басшысы» атты кітап көрмесінің тұсаукесері өтті.  
14 желтоқсан күні Еліміздің Тәуелсіздік мерекесі қарсаңында Қазақстан Республикасы Премьер-министрінің бірінші орынбасары Ә. Смайыловтың және облыс әкімі Д. Ахметовтің қатысуымен қаламызда бой көтерген көпфункционалды мәдени-спорт кешенінің салтанатты ашылу рәсімі өтті. Келесі күні, мерекеге орай қала тұрғындарына арналған салтанатты жиын және мерекелік концерт ұйымдастырылды. 
Мерейтойлық даталар аясында әнші, өнертанушы Ж.Кәрменовке ескерткіш тақта орнатылып, «Алаштан ән оздырған» атты республикалық дәстүрлі ән фестивалі және «Жәнібек ән салғанда...» тақырыбында брифинг өткізілді.  Алаш қайраткерлері  Б. Майлиннің, С.Сейфулиннің, І. Жансүгіровтің мерейтойларына орай тақырыптық көрмелер ұйымдастырылып, «Alashtyn syrshyl Sәkenі» жыр мүшайрасы, «Қазақ әдебиетінің негізін қалаушы» әдеби кеш өткізілді.
Сонымен бірге, Абай Құнанбаевтың 175 жылдығына және 2020 жылы аталып өтілетін мерейтойлық шаралардың кешенді жоспары  әзірленді. 
Жыл ішінде мәдениет мекемелерінің материалдық–техникалық базасын нығайту жұмыстары белсенді жүргізілді. Мәдениет мекемелерінің материалдық–техникалық базасын нығайту жұмыстарына  жыл басынан бері 38405,0 мың теңге бөлініп, игерілді. Соның ішінде мәдениет және тілдерді дамыту бөлімінің қажеттілігіне 11064,0 мың теңге, қалалық Мәдениет сарайы ғимаратының сыртқы жөндеу және энергоаудит жұмыстарына 10144,0 мың теңге. қалалық Достық үйінде азаматтардың қолжетімділігін қамтамасыз ету мақсатына 2254,0 мың теңге, орталық демалыс саябағына музыкалық аппаратура  және компьютерлік техника алуға 1621,0 мың теңге, Қайнар Мәдениет үйіне жаңа музыкалық аппаратура мен сахна жабдықтарын алуға 3840,0 мың теңге, Бөкенші ауылдық клубына музыкалық аппаратура алуға 300,0 мың теңге, ағымдағы жөндеу жұмыстарына 1460 мың теңге, саңырау-мылқау, зағип және нашар көретін азаматтарға арналған клуб мекемелеріне компьютерлік техника сатып алуға 300,0 мың теңге қарастырылып, бөлінді.    Сондай-ақ, Орталықтандырылған кітапхана жүйесіне кәсіби кітап сканерін сатып алуға 4000,0 мың теңге, қітап қорын толықтыруға 1000,0 мың теңге, кітап сөрелерін сатып алуға 500 мың теңге, Қайнар орталықтандырылған кітапхана жүйесіне 252,0 мың теңге, зағип және нашар көретін азаматтарға арналған кітапхана қорын толықтыруға 500,0 мың теңге, Мұқыр ауылы кітапхана қорын толықтыруға 120,0 мың теңге, ноутбук сатып алуға 250 мың теңге бөлінді. Мәдениет мекемелеріне 800,0 мың теңге бөлініп, жаңа үлгідегі Елтаңба сатып алынды.
Бүгінгі күні кітап қорын цифрлау және электронды каталогқа көшіру жұмыстары жалғастырылуда. Орталықтандырылған кітапхана жүйесінде жалпы 6644 құжат цифрлық нұсқаға көшірілген, соның ішінде 2019 жылдың басынан бері 1856 құжаттың цифрлық көшірмесі жасалды. Электронды каталогқа 309423 библиографиялық жазба орналастырылған, оның 117 838 данасы мемлекеттік тілде, 2019 жылы электронды каталогқа – 34960, мемлекеттік тілде – 20160 жазба енгізілді. Электронды каталогтың толық веб-нұсқасы кітапхана жүйесінің сайтына орналастырылды.
Жоғарыда аталған жұмыстар алдағы уақытта да жалғасын табады.
 
 
 
 
Мәдениет және тілдерді дамыту бөлімі
 

 
Семей қаласында мәдениеттің дамуы 2018 жыл 
 
Семей қаласында мәдениеттің дамуы 2016 жыл
 
 
Семей қаласында мәдениеттің дамуы 2015 жыл
 
 
Семей қаласында мәдениеттің дамуы 2014 жыл
 
 
Семей қаласында мәдениеттің дамуы 2013 жыл
 
 
Семей қаласында мәдениеттің дамуы 2012 жыл
 
 
Семей қаласында мәдениеттің дамуы 2011 жыл
 
 
Семей қаласында мәдениеттің дамуы 2010 жыл
Өңдеу күні: 13-01-2020