Акимат » Семей қаласында мәдениеттің дамуы 2019 жылдың 1 шілдесіне

Семей қаласында мәдениеттің дамуы 2019 жылдың 1 шілдесіне

2019 жылдың басынан бері қалада 826  мәдени-көпшілік шара өткізіліп, оларға 107600 астам адам қамтылды. Ағымдағы жылы Елбасының «Рухани жаңғыру: болашаққа бағдар», «Ұлы даланың жеті қыры» бағдарламалық мақалаларының,  Елбасының 2018 жылғы 5 қазандағы «Қазақстандықтардың әл-ауқатының өсуі: табыс пен тұрмыс сапасын арттыру» Қазақстан халқына жолдауының басым бағыттары басшылыққа алынып, жұмыс жүргізілуде. Осыған орай жыл басынан бері мемлекеттік және кәсіби мерекелермен қатар, мерейтойлық шаралар кең көлемде  аталып өтті.
Сонын ішінде, Алғыс айту күні, 8 Наурыз – Халықаралық әйелдер күні, халқымыздың төл мерекесі «Наурыз мейрамы», дәстүрлі «Масленица» мерекесі, Қазақстан халқы бірлігі күні, Отан қорғаушылар және Үлы Жеңіс мерекелері, сонымен қатар «Нұр Отан» партиясының 20 жылдығы, Ауған жерінен Кеңес әскерлерінің шығарылуының 30 жылдығы, Халық артистері Әмина Өмірзақованың 100 жылдығы,  Бибігүл Төлегенованың 90 жылдығы, белгілі абайтанушы, жазушы Төкен Ибрагимовтың 80 жылдығы, әнші, композитор Жәнібек Кәрменовтің және  журналист, жазушы Дәулет Сейсенұлының 70 жылдығы, белгілі дәстүрлі әншілер Ерлан Рысқали және Гүлмира Саринаның шығармашылық кештері  с.с. өзге де маңызды көпшілік шаралар өткізілді.
Елбасының «Ұлы даланың жеті қыры» мақаласы аясында қалалық Мәдениет сарайында ұлттық өнерді кеңінен насихаттау және  болашақ ұрпаққа жеткізу мақсатында жыршы, термеші Дүйсен Нығметжановтың жыр-дастандары үн таспаға жазылды, «Ұлы даланың көне сарындары» республикалық дәстүрлі музыка фестивалі, «Ұлы дала ән мен жыры – ақындықтың жеті қыры» ақындар айтысы өткізілді.
Жастар жылына орай «Жастар жылы – жаңа серпін бастауы» атты зияткерлік шоу, «Қазақстанның болашағы - жастар» атты  ашық микрофон, «Ұлы даланың Ұлы ақыны» көрмесі ашылды, сонымен қатар «Мен жазбаймын өлеңді ермек үшін...» Абай музейінің ғылыми қызметкерлерінің студент жастармен кездесу кеші, «Ел ертеңi – бiлiмдi жастар» атты пікірсайыс дебаты, «Жастар – Қазақстанның стратегиялық  ресурсы»  студент жастармен  кездесу, Шығыс Қазақстан  облыстық ҚХА және «Ахау Семей», «Буюк келажак», «Бокер», «Казачий стан» этно-мәдени орталықтардың жастар қанаты мүшелерінің қатысуымен «Шашу» акциясы, т.б. көптеген шаралар ұйымдастырылып, өткізілді.
Мәдени шаралармен қатар, қалалық Достық үйінде бөгде жастағы  азаматтарды интеллектуалдық, шығармашылық, қоғамдық өмірге тарту мақсатында Белсенді өмір сүру орталығы  ашылды. Орталықта кітапхана, шахмат, дойбы, ән, би, спорт  компьютерлік сауаттылық, латын графикасын және шет тілдерді үйрету курстары жұмыс жасайды.
Мәдени-көпшілік шаралармен қатар мәдениет мекемелерінің материалдық –техникалық базасы нығайтылды.  Жыл басынан бері аталған мақсатқа 30453,0 мың теңге бөлініп, соның ішінде мәдениет және тілдерді дамыту бөлімі қажеттілігіне 11064,0 мың теңгеге автокөлік, жиһаз, оргтехника жабдықтары алынды, қалалық Мәдениет сарайы ғимаратының сыртқы жөндеу жұмыстарына 8844,0 мың теңге бөлініп, бүгінгі күні жөндеу жұмыстары жүргізілуде. Қалалық Достық үйінде азаматтардың қолжетімділігін қамтамасыз ету мақсатына 2254,0 мың теңге, орталықтандырылған кітапхана жүйесіне 750,0 мың теңге кітап қорын толықтыруға, 780,0 мың теңге оргтехника сатып алуға, 500,0 мың теңге ағымдағы жөндеу жұмыстарына бөлініп, игерілуде. Орталық демалыс саябағына 1621,0 мың теңге бөлініп, музыкалық аппаратура және компьютерлік техника алынды.  Сонымен қатар Қайнар Мәдениет үйінде 3840, 0 мың теңгеге музыкалық аппаратура мен сахналық жабдықтар жаңартылды, Бөкенші ауылдық клубына 500,0 мың теңгеге музыкалық аппаратура, 300,0 мың теңгеге  саңырау-мылқау, зағип және нашар көретін азаматтарға арналған клуб мекемелеріне жаңа компьютерлік техника алынды.  
 
 

 
Семей қаласында мәдениеттің дамуы 2018 жыл 
 
Семей қаласында мәдениеттің дамуы 2016 жыл
 
 
Семей қаласында мәдениеттің дамуы 2015 жыл
 
 
Семей қаласында мәдениеттің дамуы 2014 жыл
 
 
Семей қаласында мәдениеттің дамуы 2013 жыл
 
 
Семей қаласында мәдениеттің дамуы 2012 жыл
 
 
Семей қаласында мәдениеттің дамуы 2011 жыл
 
 
Семей қаласында мәдениеттің дамуы 2010 жыл
Өңдеу күні: 09-07-2019