Басы » Акимат » Актуально » Қаланың әлеуметтік-экономикалық дамуы
Қаланың әлеуметтік-экономикалық дамуы
Автор: Акимат
14-10-2019 18:04
Қаланың әлеуметтік-экономикалық дамуы
Семей қаласының 2019 жылға 
әлеуметтік-экономикалық даму қорытындысы туралы
ақпарат
 
2019 жылғы қаңтар-желтоқсан айларында қаланың өнеркәсіптік кәсіпорындарымен қолданыстағы бағада 209,8 млрд. теңгеге өнім өндірілді, бұл өткен жылдың осындай кезеңінен 24,3 млрд. теңгеге немесе 13,1%-ға (2018 жылғы қаңтар-желтоқсанда – 185,5 млрд. теңге) жоғары. Нақты көлем индексі – 109,8%-ды құрады. 
Тау кен өнеркәсібінде өндіріс көлемі 33,9 млрд. теңгені құрады немесе өткен жылдың сәйкес деңгейіне 112,6% (2018 жылғы қаңтар-желтоқсанда – 30,1 млрд. теңге), нақты көлем индексі – 94,2%.
Өңдеу өнеркәсібінде қолданыстағы бағада 160,3 млрд.теңге көлемінде өнім өндірілді немесе өткен жылдың сәйкес кезеңінен 17,1%-ға артық (2018 жылғы қаңтар-желтоқсанда – 136,9 млрд. теңге), нақты көлем индексі – 117%. 
Ауыл шаруашылығында ауыл шаруашылық өнімінің жалпы көлемі 2019 жылдың қаңтар-желтоқсан айында 37,2 млрд. теңгені құрады немесе өткен жылдың осындай кезеңінен 2,7 млрд. теңгеге артық (2018 жылғы қаңтар-желтоқсанда – 34,4 млрд. теңге). Нақты көлем индексі – 100,2%.
Сүт өндірісі 1,3%-ға, жұмыртқа саны 0,6%-ға, ірі қара мал 11,1%, жылқы басы 18% өсті. 
Бөлшек тауарайналымының көлемі 2019 жылдың қаңтар-желтоқсан айларында 17,8% өсу қарқынымен 236,3 млрд. теңгені  құрады (2018 жылғы қаңтар-желтоқсанда – 200,6 млрд. теңге). Нақты көлем индексі 100,4%. 
Есепті кезеңде қалаға 114,7% өсу қарқынымен 78,7 млрд.теңге негізгі капиталға инвестиция тартылды немесе өткен жылдың осындай кезеңінен 10,1 млрд.теңгеге артық (2018 жылғы қаңтар-желтоқсанда – 68,6 млрд.теңге). Нақты көлем индексі –  112,7%. 
Құрылыс жұмыстарының көлемі 2019 жылғы қаңтар-желтоқсан айларында 105,7% өсу қарқынымен 44,4 млрд. теңгеге орындалды, бұл өткен жылдың деңгейінен 2,4 млрд.теңгеге артық (2018 жылғы қаңтар-желтоқсанда – 41,9 млрд.теңге). Нақты көлем индексі –103,2%. 
2019 жылғы қаңтар-желтоқсан айларында 118 790 ш.м. тұрғын үй енгізілді, бұл 2018 жылға қарағанда 10,6%-ға жоғары (2018 жылғы қаңтар-желтоқсанда – 107 316 ш.м.). 
Шағын және орта кәсіпкерліктің жұмыс істеп тұрған субъектілер саны 2019 жылғы қаңтар-желтоқсан айларында 2018 жылдың осындай кезеңіндегі  20 880 бірлікке қарсы 21 195 бірлікті құрады. Өсу қарқыны – 101,5%.
2020 жылдың 1 қаңтарына жеке табыс көздері бойынша қала бюджеті 116,9% өсу қарқынымен 22,4 млрд. теңгені құрады (2019 жылдың 1 қаңтарына – 19,1 млрд. теңге). 
2019 жылғы қаңтар-қыркүйек айында ірі және орта кәсіпорындарда еңбек ететін жұмыскерлердің орташа айлық еңбек ақысы  134 918 теңгені құрап, 2018 жылдың осындай кезеңіне қарағанда 12,7%-ға артты (119 684 теңге). 
 
 

Экономика және бюджеттік жоспарлау бөлімі